Qazaqstan asyl tuqymdy qoılardy Mońǵolııaǵa eksporttaıdy
ASTANA. KAZINFORM — QR AShM veterınarııalyq baqylaý jáne qadaǵalaý komıteti tóraǵasynyń m. a. Samat Tólegenov Mońǵolııa veterınarııa bas basqarmasynyń ókilderi Batsýh Basaan jáne Delgermaa Basaanmen kezdesti.
Kezdesý barysynda veterınarııa salasyndaǵy ekijaqty yntymaqtastyqtyń negizgi máseleleri, sonyń ishinde Qazaqstannan Mońǵolııaǵa asyl tuqymdy qoılardy eksporttaý máselesi talqylandy.
Osy jyldyń tamyz aıynda eki eldiń vedomstvolary eksportalatyn taýarlyq jáne asyl tuqymdy qoılar men eshkilerge arnalǵan veterınarııalyq sertıfıkatty kelisken bolatyn.
Qyrkúıek aıynyń basynda Mońǵolııa ókilderi Túrkistan oblysynyń sharýashylyqtaryna veterınarııalyq-sanıtarııalyq talaptarǵa sáıkestigi boıynsha tekseris jáne táýekelderdi baǵalaý júrgizdi.
Veterınarııalyq qyzmettiń qurylymy men elde júrgizilip jatqan veterınarııalyq-profılaktıkalyq is-sharalar oń baǵalandy.
Sondaı-aq, taraptar veterınarlyq baqylaý jáne baǵalaý komıteti men Mońǵolııanyń bas veterınarııa basqarmasy arasynda ózara yntymastyq týraly jańa memorandým jobasyn talqylap, veterınarııalyq mamandar men ulttyq veterınarııalyq zerthanalar qyzmetkerleri arasynda tájirıbe almasýǵa kelisti.
