Qazaqstan ashyq júrekke biregeı joǵary tehnologııalarmen ota jasaıtyn álemniń eń damyǵan 22 eliniń qataryna kirdi
ASTANA. 2 sáýir. QazAqparat - Ulttyq ǵylymı kardıohırýrgııalyq ortalyqta alǵash ret jasandy júrekti ımplantatsııalaý boıynsha biregeı tehnologııa engizildi,
dep habarlady pm.kz saıty atalǵan ortalyqtyń baspasóz qyzmetine silteme jasap.
«2011 jyly sońǵy býynnyń Heart Ware qurylǵysy iske qosyldy. Sonyń arqasynda Qazaqstan ashyq júrekke biregeı joǵary tehnologııalarmen ota jasaıtyn álemniń eń damyǵan 22 eliniń qataryna kirdi», - delingen habarlamada.
Búgingi kúni Ortalyqta qan aınalymynyń 7 túrli kómekshi qurylǵysy engizildi. Aǵymdaǵy jyly Ortalyq osyǵan uqsas 30 apparaty iske qosýdy kózdeýde.
Ulttyq ǵylymı kardıohırýrgııalyq ortalyq Ulttyq medıtsınalyq holdıngtiń quramyna kiredi. Qazirgi ýaqytta klınıka Ortalyq Azııa óńirindegi jetekshi medıtsınalyq mekemege aınalyp otyr.
Aıta keteıik, 2011 jyldyń qazanynan bastap osy ýaqytqa deıin Ortalyqta 2 myńnan astam naýqas emdeldi. Sonymen qatar 1 myńnan astam, onyń ishinde 300 balanyń týa bitken júrek aqaýyna ota jasaldy.
