Qazaqstan ashyq derekter reıtıngisinde 48-shi orynǵa kóterildi

ASTANA. QazAqparat - Qazaqstan dúnıejúzilik derekter ashyqtyǵynyń Open Data Inventory (ODIN) reıtıngisinde 6 pozıtsııaǵa kóterildi. 2020 jyly bizdiń el 54-shi orynda bolǵan, dep habarlaıdy QazAqparat Ulttyq statıstıka bıýrosynyń málimetterine silteme jasap.

Bıýro málimtterine qaraǵanda, 2021-2022 jyldar aralyǵynda Qazaqstannyń jalpy baly derekterdi qamtý boıynsha 57-den 59-ǵa, derekterdiń ashyqtyǵy boıynsha 65-ten 68-ge deıin artty. Reıtıng eldiń statıstıkalyq usynystarynyń tolyqtyǵyn jáne olardaǵy aqparattyń halyqaralyq ashyqtyq standarttaryna sáıkestigin baǵalaıdy.

Reıtıng qorytyndysy boıynsha Sıngapýr birinshi oryndy ıelendi, odan keıin Danııa men Fınlıandııa tur.

Open Data Inventory (BDI) Dúnıejúzilik ashyq derekter reıtıngi Open Data Watch halyqaralyq kommertsııalyq emes uıymy tarapynan ázirlenedi.

ODIN ashyq derekter saıasatyn ilgeriletý, qoljetimdilikti jaqsartý jáne Ulttyq statıstıkalyq basqarmalar men derekterdi paıdalanýshylar arasyndaǵy dıalogty yntalandyrý úshin resmı statıstıkanyń qoljetimdiligi men ashyqtyǵyn baǵalaıdy.