Qazaqstan ASEAN+3 oblıgatsııalar naryǵy forýmynda baqylaýshy mártebesin aldy

ASTANA. KAZINFORM — ASEAN+3 elderi qarjy mınıstrleriniń sheshimimen Qazaqstannyń ASEAN+3 oblıgatsııalar naryǵy forýmynda (ASEAN+3 Bond Market Forum) baqylaýshy mártebesin alýǵa ótinimi maquldandy, dep habarlaıdy Qarjy naryǵyn retteý jáne damytý agenttigi.

Agenttiktiń málimetinshe, ASEAN+3 Ońtústik-Shyǵys Azııa memleketteri qaýymdastyǵyna (ASEAN), sondaı-aq QHR, Japonııa jáne Koreıa Respýblıkasyna múshe 10 eldi biriktiredi.

— ASEAN +3 oblıgatsııalar naryǵy forýmynyń negizgi maqsaty — Azııa aımaǵynda birneshe valıýtada oblıgatsııalar shyǵarý tetikteri (ASEAN+3 Multi-Currency Bond Issuance Framework) arqyly oblıgatsııalardyń yqpaldastyrylǵan naryǵyn qurý úshin jaǵdaılar jasaý. Mundaı bastama QHR, Japonııa, Koreıa Respýblıkasy, Malaızııa jáne t. b. sııaqty bastamaǵa qatysýshy elderdiń ulttyq naryqtarynda oblıgatsııalar shyǵarýǵa jáne bir mezgilde ornalastyrýǵa múmkindik beredi. Azııa oblıgatsııalar naryǵy syıymdylyǵy boıynsha AQSh pen EO-dan keıingi álemdegi úshinshi aımaqtyq naryq sanalady. Qazaqstannyń osy bastamaǵa qosylýy qazaqstandyq emıtentter úshin atalǵan naryqqa kirýge múmkindik beredi, — delingen Qarjy naryǵyn retteý jáne damytý agenttigi habarlamasynda.

2024 jyldyń qorytyndysy boıynsha qazaqstandyq oblıgatsııalar naryǵynyń jıyntyq syıymdylyǵy 100 mlrd AQSh dollaryna (balamasynda) jetti. Bıylǵy jyly Azııa Damý banki Qazaqstannyń oblıgatsııalar naryǵy boıynsha Nusqaýlyq jarııalaıdy dep kútilip otyr.

Esterińizge sala keteıik, buǵan deıin Qarjy naryǵyn retteý jáne damytý agenttigi qarjy uıymdaryna talapty kúsheıtetini anyqtaldy.