Qazaqstan ASEAN qorǵanys mınıstrleriniń otyrysyna qatysty
ASTANA. QazAqparat - Fılıppınde Ońtústik-Shyǵys Azııa elderi qaýymdastyǵyna (ASEAN) múshe 10 el qorǵanys mınıstrleriniń 4-inshi keńeıtilgen otyrysy ótti. Keńeske sondaı-aq 8 seriktes memleket qatysty.
«Habar 24» arnasynyń habarlaýynsha, taraptar aımaqtyń qaýipsizdik máselesin talqylady. Sondaı-aq teńizdegi qaýipsizdik, kıberqaýipsizdik, apatty jaǵdaılarda kómek kórsetý jáne bitimgerlik operatsııalary sóz boldy.
Kezdesý sońynda Fılıppın men Aýstralııa elderi «Irak jáne Levant» lańkestik tobyna birlesip qarsy turýǵa ýaǵdalasty.
«Aýstralııanyń qorǵanys kúshteri Fılıppınge oqý-jattyǵý tobyn jiberedi. Jaqyn kúnderi radıkaldyq toptarmen kúres aıasynda birqatar qalada áskerılerdi daıyndyq jattyǵýlary bastalady», - dedi Aýstralııanyń qorǵanys mınıstri Marıs Peın.
Ońtústik-Shyǵys Azııa elderiniń qaýymdastyǵy 1976 jyly qurylǵan. Onyń quramynda 10 el: Malaızııa, Sıngapýr, Indonezııa, Taıland, Brýneı, Fılıppın, Laos, Vetnam, Mıanma jáne Kambodja bar. Papýa - Jańa Gvıneıa men Shyǵys Tımor elderi uıymnyń arnaıy baqylaýshylary sanalady. 2010 jyldan bastap qaýymdastyqqa múshe elderdiń qorǵanys mınıstrleriniń jıyny olardyń negizgi 8 seriktesimen birlesip ótkizile bastady. Seriktester qatarynda Qazaqstan, Reseı, Qytaı, AQSh jáne taǵy birqatar el bar.
