«Qazaqstan arýy» baıqaýynyń fınaly Astanada ótedi
ASTANA. QazAqparat - «Qazaqstan arýy» baıqaýynyń fınaly 31 naýryz kúni Astanadaǵy Beıbitshilik jáne kelisim saraıynda ótedi. «QazAqparat» HAA Astana qalasynyń Mádenıet, muraǵattar jáne qujattama basqarmasynyń málimetterine súıene otyryp aldaǵy kúnderde elordada bolatyn sharalardyń kestesin usynady.
1 sáýirge deıin Táýelsizdik saraıynda «Uly dala murasy», «Kóktem áýeni», «Gúldiń nári», «Myslı» atty qoldanbaly óner týyndylarynyń, qazaqstandyq sýretshiler shyǵarmalarynyń kórmeleri, jáne «Blagodarnost za dobro» fotokórmesi ótedi.
28 naýryzda «Jastar» saraıynda 09:00-de «Aq kógershin» balalar shyǵarmashylyǵynyń halyqaralyq festıval-baıqaýy, sondaı-aq Q. Qýanyshbaev atyndaǵy teatrda 19:00-de «Zere» dramasy, dál osy ýaqytta «Astana» kontsert zalynda «K ıýbıleıý S. Rahmanınova» mýzyka keshi bolady.
29 naýryz kúni 11:00-de M. Gorkıı atyndaǵy teatr «Prıklıýchenıe Nastenkı» ertegisin usynsa, 19:00-de Q. Qýanyshbaev teatry «Tyraýlap ushqap tyrnalar» lırıkalyq komedııasyn qoıady. Teatr erteńine dál osy ýaqytta Sh. Aıtmatovtyń «Ǵasyrdan da uzaq kún» dramasyn kórermenderge usynady. Sonymen qatar M. Gorkıı teatrynda O. Bókeıdiń «Poslednee prıchastıe» spektakli bolsa, jarty saǵattan soń «Astana» kontsert zalynda sımfonııalyq orkestrdiń «Mýzyka kıno» kontserti bastalady.
31 naýryz kúni 09:00-de «Jastar» saraıynda «Dionis» fetıvali, 11:00-de M. Gorkıı teatrynda «Prıklıýchenııa Neznaıkı ı ego drýzeı» ertegisi, 18:00-de T. Ýılıamstyń «Tramvaı «Jelanıe» dramasy ótedi. Q. Qýanyshbaev teatrynda 19:00-de Sh. Aıtmatovtyń taǵy bir týyndysy - «Qyzyl oramaldy shynarym» qoıylady.
Foto: karpaty.rocks
