Qazaqstan arýy aýtızmge shaldyqqan balalardyń balyna qatysady

ALMATY. QazAqparat - Qazaqstan arýy Álııa Mergenbaeva aýtızmge shaldyqqan balalardyń balyna qatysady. Bul týraly «Mıloserdıe» qaıyrymdylyq qoǵamynyń baspasóz qyzmeti habarlady.

Jetkinshekterdiń kóktemgi baly erteń aýtıst balalardyń ata-analary qaýymdastyǵynda ótedi.

Mádenı sharada balalar ózderiniń ónerlerin kórsetedi. Qonaq retinde skrıpkashy Jámılá Serkebaeva men ánshi Aıqyn Tólepbergen qatysady.

2013 jyldan beri «Aýtızmdi jeńemiz» jobasyn «Samuryq-Qazyna» qory qarjylandyryp keledi. Osynyń arqasynda 2000 jýyq balanyń otbasy keńes aldy. Júrgizilgen jumystyń arqasynda 17 balaǵa qoıylǵan «aýtızm» dıagnozy alynyp tastaldy.

2015 jyly jobany «Qazaqstan arýy» konkýrsynyń uıymdastyrý komıteti qoldap, baıqaýdan túsken 2,5 mln teńgeni naýqas balalardy qoldaý qoryna aýdardy.