«Qazaqstan arýy-2018» fınalyna qatysýshylarǵa daýys berý bastaldy
ASTANA. QazAqparat - Búgin, 22 naýryzda «Qazaqstan arýy-2018» resmı saıtynda baıqaýdyń fınalyna qatysýshy arýlarǵa daýys berý bastaldy, dep habarlaıdy QazAqparat tilshisi.
Qazaqstannan «Álem arýy» jáne «Ǵalam arýy» baıqaýlaryna kim baratynyn anyqtaý úshin myna silteme arqyly daýys berýge bolady: https://misskazakhstan.kz.
Elimizdiń túkpir-túkpirinen Astanaǵa jınalǵan 30 arý 31 naýryz kúni Beıbitshilik jáne kelisim saraıynda ótetin fınalǵa daıyndalyp jatyr.
Uıymdastyrýshylardyń aıtýynsha, fınalǵa Qazaqstannyń ár qalasynan shyqqan 20 boıjetkennen tys, ınstagramda júrgizilgen kastıngtiń de 10 jeńimpazy qatysady.
BAQ-ta «Qazaqstan arýy» fınalshylarynyń fotosýretteri jarııalandy. Uıymdastyrýshylardyń aıtýynsha, otbasy jaǵdaıyna baılanysty «Temirtaý arýy», «Qyzylorda arýy», sondaı-aq oqýyna baılanysty «Petropavl arýy» baıqaýǵa qatysa almaǵan. Olardyń ornyna atalǵan qalalarda ekinshi oryn alǵandar keldi.
Aıta keteıik, «Qazaqstan arýy» konkýrsynyń aıasynda qaıyrymdylyq sharalary jáne áleýmettik aktsııalar ótkiziledi.
