«Qazaqstan Arýy-2016» aqshalaı syıaqynyń jartysyn qaıyrymdylyqqa jumsamaq
ASTANA. QazAqparat - «Qazaqstan Arýy-2016» ataǵyna ıe bolǵan Gúlbaný Ázimhan jeńiske berilgen 5 mıllıon teńge aqshalaı syıaqynyń jartysyn qaıyrymdylyqqa jumsaýdy oılastyrýda, dep habarlaıdy QazAqparat.
«Jeńemin dep úmittendim. Men barlyqtaryńyzdyń úmitin aqtaýǵa tyrysamyn. Men aqshalaı syıaqynyń jartysyn múmkin jetimder úıine qaıyrymdylyqqa beremin. Qalǵan jartysyn ózimniń ata-anama tabys etemin», - dep aǵynan jaryldy Gúlbaný Ázimhan «Qazaqstan Arýy-2016» baıqaýyn jeńip alǵan sátte.
Eske salaıyq, «Qazaqstan Arýy-2016» baıqaýynyń 20-shy mereıtoılyq shoýy Astanada Beıbitshilik jáne kelisim saraıynda ótti. Bıyl baıqaýdyń fınaldyq kezeńine 25 qatysýshy joldama aldy. Olardyń eń kenjesi 16 jasta.
«Qazaqstan Arýy-2016» ataǵyn Qyzylorda ókili, 18 jasar medıtsınalyq kolledjdiń stýdenti Gúlbaný Ázimhan ıelendi. Endi ol «Álem Arýy-2017» baıqaýynda elimizdiń namysyn qorǵaıtyn bolady. Sonymen qatar oǵan 5 mıllıon teńge somasynda syıaqy tabys etildi. Qarashanyń 30-nan beri «Qazaqstan Arýy» resmı saıtynda arqyly halyqtyq daýys berý ótkizilgen bolatyn.
Birinshi vıtse-mıss ataǵyn «Astana Arýy» Elnaz Nurseıitova alsa, ekinshi vıtse-mıss bolyp «Kókshetaý Arýy» Janar Naımanbaeva tanyldy. Úshinshi vıtse-mıss ataǵyna «Óskemen Arýy» Anastasııa Ýsoltseva ıe boldy.
