«Qazaqstan arýy-2015» fınalısteri «Astana»-«Benfıka» matchynda jankúıer boldy (FOTO)
ASTANA. QazAqparat - Elordalyq «Astana» FK-nyń portýgalııalyq «Benfıka»-men Chempıondar lıgasynyń besinshi týrynda kezdesýin 15 089 kórermen tamashalady. Olardyń ishinde «Qazaqstan arýy-2015» aqtyq baıqaýyna qatysý úshin el astanasyna óńirlerden kelgen arýlar da boldy.
«Qazaqstan arýy-2015» aımaqtyq baıqaýlarynyń qatysýshylary ǵalamtordaǵy akkaýnttaryna matchta túsken fotosýretterin salýda.
«Men fýtbol matchyn alǵash ret tamashaladym. «Astana» men «Benfıka» oıyny teń tústi (2:2)», - dep jazady Instagramda tarazdyq baıqaý qatysýshysy Kamılla Jırenbaeva. «Maǵan bul oıyn sondaı unady, oıyn kezinde kóp emotsııalar sezindim», - dep jazady «Pavlodar arýy-2015» Mádına Beısembaeva. «Machtan soń, qyzdar, fýtboldy unatyp kettik», - deıdi «Aqtaý arýy» Djeıran Dýrsýnova. Eske salaıyq, 10 jeltoqsanda Astananyń Beıbitshilik jáne kelisim saraıynda qazylar men kórermender Qazaqstannyń eń sulý arýyn tańdaıtyn baıqaýǵa qyzý daıyndyq júrip jatyr. «Qazaqstan arýy-2015» atanýǵa óńirlerden kelgen 30 boıjetken úmitker.
