«Qazaqstan arýy-2015» baıqaýynyń fınalısteri aldaǵy josparlary týraly oı bólisti (FOTO, VIDEO)
ASTANA. QazAqparat - «Qazaqstan arýy-2015» ulttyq sulýlyq baıqaýynyń fınalısteri QazAqparat tilshisimen baıqaýda alǵan áserleri jáne keleshek josparlarymen bólisti.
«Almaty arýy-2015» 20 jastaǵy Regına Valter jaǵajaı voleıboly boıynsha sport sheberine úmitker. Ol barlyq fınalǵa shyqqandar arý atyna laıyq, alaıda Álııa Mergembaeva bárinen úzdik shyqty dep sanaıdy.
«Biz dostyq qarym-qatynasta bolyp, bir-birimizden kómegimizdi aıamadyq. Bul shoý barsha qazaqstandyqtar úshin erekshe mereke», - dep atap ótti ol. Regına ózi jumys isteıtin modeldik agenttikten ketpeıdi. 2016 jyly halyqaralyq baıqaýda Qazaqstannyń namysyn qorǵaýǵa shyqpaq nıette.
Óz kezeginde temirtaýlyq 17 jastaǵy Ekaterına Dvoretskaıa óz daıyndyǵy qalaı ótkenin, Astanada qyzdar nemen aınalysqanyn aıtty. «Qyzý daıyndyq júrdi. Ár nársege úlken mán berildi. Baıqaýǵa úsh apta daıyndaldyq. Kúnde repıtıtsııa júrgizdik. Jarys basynda fotosessııa ótti, túrli aktsııalarǵa qatystyq, qarttar úıine, balalar úıine bardyq. Ár qatysýshy ózine úlken tájirıbe aldy dep oılaımyn», - dedi ol. Ol barlyq qyzdarmen dos bolyp ketkenin aıtty. Endi Qazaqstannyń ár buryshynda qurbysy baryna senimdi. Ol jetistikterge óz kúshimen jetkisi keletinin aıtyp ótti. «Qysqa ýaqytta ishteı de, syrttaı da ózgerdim, sýda júzýdi úırendim, shet tilderin úırenip júrmin. Іnim ósip keledi. Ony jaqsy adam etip tárbıelegim keledi», - dep qosty ol.
Feshn-ındýstrııa salasyndaǵy jumysty 20 jastaǵy telejýrnalıst «Aqtaý arýy-2015» Djeıran Dýrsýnova, basqa da qyzdar óz hobbıi sanaıdy. Bos ýaqyttarynda kitap oqıtyndyqtaryn aıtty. «Jańalyqqa qumarmyn, adamdarmen tanysqan unaıdy. Osy isimdi jalǵastyra beremin. Sondaı-aq ýnıversıtetke túsip, joǵary bilim alǵym keledi», - dep atap ótti ol.
Eń jas fınalıst 15 jastaǵy Balym Jeńisbekqyzy - Shymkentten. Ol baıqaýǵa qatysýyn eresek ómirge degen alǵashqy qadamy sanaıdy. Onyń aıtýynsha, ózine degen jaýapkerlishikti eki esege arttyrady. «Bul sońǵy qatysýym emes dep oılaımyn. Baıqaýǵa taǵy kelemin. Jasym kishi bolǵanmen, bári oıdaǵydaı ótti. Barlyq qyzdarmen tez til tabysyp kettim, qazir 29-ymyz da apaly-sińlideımiz. Olar maǵan ár kezde qamqor bop júrdi. Soǵan erekshe qýandym», - dep qosty ol.
Eske salsaq, Astanada «Qazaqstan arýy-2015» ulttyq sulýlyq baıqaýynyń fınaly aıaqtaldy. Oǵan Qazaqstannyń barlyq óńirinen 30 arý qatysty. Ádilqazylar bes grand-fınalısti anyqtady. Qazaqstandyqtar sms, onlaın-daýys berý arqyly Qazaqstan arýyn tańdady. Qorytyndysynda 1,3 myń daýys jınap, 17 jastaǵy «Aqtaý arýy» Álııa Mergembaeva jeńiske jetti. Ol bes mıllıon dollar aqshalaı júlde aldy jáne halyqaralyq «Álem arýy» baıqaýynda eldiń atynan shyǵýǵa quqyq ıelendi. Sms-daýys berý barysynda jınalǵan qarajat Arýjan Saınnyń «Qaıyrymdylyq» qoryna aýdarylatynyn atap ótken jón.
