«Qazaqstan arýy-2015» atanýǵa 1300-den astam boıjetken úmitker
ASTANA. QazAqparat - «Qazaqstan arýy» baıqaýynyń resmı saıtynda qatysýshylardyń tirkelýi aıaqtaldy.
Eldiń bas tájine búkil Qazaqstannan 1 386 sulý boıjetken úmitker bolyp otyr. Ótinimderdiń sany jaǵynan almatylyq sulýlar kósh bastap tur - ol jaqtan 408 saýalnama kelip túsken. Ekinshi orynda - Astana ókilderi (233), úshinshi orynda - Qaraǵandy boıjetkenderi (137), dep habarlaıdy misskazakhstan.kz. 20 qarashada baıqaýǵa qatysýshylar elordada jınalyp, 3 apta boıy Ulttyq fınalǵa daıyndyq júrgizedi. Qalada olar úshin «Sulýlyq - meıirimdilikte!» uranymen kóptegen áleýmettik, sporttyq, qaıyrymdylyq sharalar josparlanǵan. Eń jarqyn shara Beıbitshilik jáne kelisim saraıynda ótedi. Onda kórermenderdi otandyq dızaınerler jáne ártisterdiń qatysýymen áserli shoý kútip otyr. Qazaqstannyń eń ádemi boıjetkeni kim bolǵany 10 jeltoqsanda tikeleı kórsetilim kezinde belgili bolady. Baıqaýdyń jańa formatyna sáıkes, eldiń birinshi sulýyn qazaqstandyqtar onlaın, SMS arqyly daýys berý jolymen tańdaıdy.
