«Qazaqstan arýy 2015» Álııa Mergembaeva «Álem arýy 2016» fınalyna daıyndyq jaıly baıandady
ASTANA. QazAqparat - Álemniń 120 memleketinen kelgen qatysýshylar eki aptaǵa jýyq ýaqyttan beri Vashıngtonda júr. Olar aıtýly konkýrstardyń biri sanalatyn «Álem arýy 2016» baıqaýynyń fınalyna qyzý daıyndyq ústinde.
7 jeltoqsan kúni barlyq qatysýshylar AQSh-tyń iri qalalarynyń biri - Nıý-Iorkke saıahat jasady. Olar qalanyń kórikti jerlerin - Bostandyq músini, Times Square, Brodýeı, Ortalyq saıabaqty tamashalady.
Budan bólek, «Álem arýy» baıqaýy aıasynda eń ádemi ulttyq kıim, sondaı-aq úzdik TOP-model konkýrstary ótedi. Qyzdar aýktsıondar ótetin qaıyrymdylyq keshterine qatysady. Túsken qarjy áleýmettik jaǵdaıy tómen otbasylar men balalar úılerine jumsalady. Álııa aýktsıonda ulttyq naqyshta jasalǵan qobdıshany usynady.
Qatysýshylar ár kezeń úshin baǵa alyp, nátıjesinde jalpy upaıy qosylady. Osy nátıje boıynsha TOP-20 anyqtalady.
Álııa Mergembaevaǵa uıaly telefonǵa Miss World qosymshasyn júktep, daýys berýge bolady. Ary qaraı unaǵan úsh qyzdy (TOP-3) tańdap, daýys berý qajet.
«Álem arýy 2016» 18 jeltoqsanda belgili bolady. Jeńimpazǵa tájdi ıspanııalyq Mıreııa Lalagýna kıgizedi. 
