«Qazaqstan arýy -2011» konkýrsynyń bas demeýshisi «Merı Keı» kompanııasy jeńimpaz sulýǵa altynnan alqa tartý etedi

"Mundaı nagrada konkýrs tarıhynda alǵash ret taǵaıyndalyp otyr - gaýhartasty áshekeı sulýdyń kórkin odan beter asha túsetini anyq", - deıdi bas demeýshiniń ókilderi.

Konkýrstyń bas demeýshisi ári konkýrstyń resmı kosmetıkasy atanyp otyrǵan «Merı Keı» kompanııasy osynaý aıtýly sharanyń aıasynda Qazaqstannyń árbir turǵynyna «Mary Kay arýyn» tańdaý múmkindigin bergeli otyr. 2011 jyldyń qyrkúıek-qazan aılarynda ótetin ashyq ınternet-daýys berýge kandıdattar «Qazaqstan arýy» aımaqtyq konkýrstaryna qatysýshylardyń qatarynan irikteledi.

Qazaqstan arýy konkýrsynyń birinshi, aımaqtyq kezeńi mamyr aıynda bastalady. Baıqaý Aqtaý, Aqtóbe, Pavlodar, Taraz, Qyzylorda, Kókshetaý, Taldyqorǵan, Semeı, Atyraý, Qaraǵandy, Oral, Astana, Qostanaı, Óskemen, Shymkent, Almaty qalalarynda ótedi.