«Qazaqstan arýy-2024» baıqaýynyń jeńimpazy anyqtaldy
ALMATY. KAZINFORM – Óskemen qalasynyń týmasy, 20 jastaǵy Baǵym Baltabaeva «Qazaqstan arýy-2024» ulttyq sulýlyq baıqaýynyń jeńimpazy atandy. Ol endi «Álem arýy» baıqaýynda elimizdiń namysyn qorǵaıdy.

Eldiń eń ádemi arýy ataný úshin Qazaqstannyń túkpir-túkpirinen 20 qyz baq synady. Baıqaýǵa qatysýǵa 2 myńnan astam sulý ótinish bergen. Birneshe kezeńdi qamtyǵan, fınaldyq baıqaý Almatyda ótti.
Bıylǵy baıqaýdyń urany – The art of being a Woman. ıAǵnı, Qazaqstandaǵy sulýlyq baıqaýy kez kelgen qyzmet salalaryndaǵy áıelderdi qamtıtynyn, munda qatysýshylardyń syrtqy kelbetine ǵana basa nazar aýdarmaıtynyn aıǵaqtaıdy.
Ádil qazylar baǵa berer kezde qyzdardyń boıyndaǵy tartymdylyqpen qosa kóp aldynda sóıleı alý qasıetterine de erekshe mán berdi. Baıqaý nátıjesinde 5 arý arnaıy ataqqa ıe boldy.

«Qazaqstan vıtse-arýy 2024» ataǵy Aıdana Ábilqasovaǵa berildi. Al «Jer arýy 2024» ataǵyn Tomırıs Qadyrhan ıelense, «Ǵalam arýy 2024» ataǵyn Dana Almasova aldy. «Qazaqstan arýy 2024» nomınatsııasyna Baǵym Baltabaeva laıyq dep tanyldy.
Eske salsaq, ótken jyly 21 jastaǵy Sabına Ydyrysova «Qazaqstan arýy» atanǵan edi.