Qazaqstan ártistik júzýden álem kýbogy kezeńinde taǵy úsh medal jeńip aldy
ASTANA. KAZINFORM - Qytaıdyń Sıan qalasynda ótip jatqan ártistik júzýden álem kýbogy kezeńinde Qazaqstan quramasy taǵy úsh medal jeńip aldy.
Týrnırdiń eki dúrkin júldegeri atanǵan Vıktor Drýzın erkin baǵdarlamada úshinshi nátıje kórsetip, qola medal ıelendi. Osylaısha, sportshy jarystaǵy ekinshi júldesine qol jetkizdi. Buǵan deıin ol tehnıkalyq baǵdarlamada da qola alǵan edi.
Aldııar Ramazanov pen ıAsmına Islamova tehnıkalyq baǵdarlamada kúmis júldege ıe boldy. Qazaqstandyq jup jarysty ekinshi orynmen aıaqtady.
Osy baǵdarlamada Aıǵanym Saım men Artýr Maıdanov qola medal jeńip aldy.
Osylaısha, Qazaqstan quramasynyń qorjynynda qazir tórt medal bar. Álem kýbogynyń kezeńi 3 mamyrda aıaqtalady.
