Qazaqstan ártistik júzýden álem kýbogy kezeńinde qola júldege ıe boldy
ASTANA.KAZINFORM - Qazaqstan quramasy Ispanııanyń Pontevedra qalasynda ótip jatqan ártistik júzýden álem kýbogy kezeńinde alǵashqy júldesine qol jetkizdi.
Halyqaralyq týrnırdiń alǵashqy jarys kúninde otandastarymyz qola medal jeńip aldy.
QR UOK málimetinshe, aralas juptar arasyndaǵy tehnıkalyq baǵdarlamada ıAsmına Islamova men Aldııar Ramazanov úzdik úshtikke endi. Qazaqstandyq sportshylar tóreshilerdiń sheshimimen 208,6150 upaı jınady.
Jarysta Ulybrıtanııa ókilderi Izabel Torp pen Randjýo Tomblın top jaryp, 225,9034 upaımen altyn medal ıelendi. Al ıspanııalyq Karla Lorenso Lıýska men Eneko Sanches Agılar 210,8792 upaı jınap, kúmis júldege qol jetkizdi.
Artýr Maıdanov pen Aıǵanym Saım júldege bir qadam jetpeı qaldy. Olar 207,0650 upaı jınap, jarysty tórtinshi orynmen aıaqtady.
Aıta keteıik, Astanada halyqaralyq at sporty týrnıriniń fınaly ótip jatyr.
