«Qazaqstan» arnasynda - jańa telehıkaıa
ASTANA. 9 jeltoqsan. QazAqparat - Búgin «Qazaqstan» ulttyq telearnasynda «Ápke» atty jańa telehıkaıanyń kórsetilimi bastalady.
Serıal belgili jazýshy Dýlat Isabekovtyń shyǵarmasy negizinde túsirilip otyr. Bul týyndy otyz jyldan beri Muhtar Áýezov atyndaǵy Qazaq memlekettik akademııalyq drama teatrynyń sahnasynan tuspeı keledi. Shyǵarmada jetim qalǵan baýyrlaryna pana bolǵan názik jandy ápkeniń taǵdyry týraly baıandalady. Basty róldi somdaǵan - Rıta Kúmisqalıeva. Telehıkaıanyń rejısseri - Murat Bıdosov, prodıýsseri - Batyrhan Sazahanov.
Aıta keteıik, «Ápke» telehıkaıasynyń alǵashqy bólimi búgin keshki saǵat 21: 50-de kórsetiledi. Jalpy fılm 16 bólimnen turady.
