«Qazaqstan» arnasynda áýe desantshylary týraly otandyq serıaldyń kórsetilimi bastalady
ASTANA. 26 qyrkúıek. QazAqparat - Ústimizdegi jyldyń 1 qazanynan «Qazaqstan» ulttyq arnasynda «Kók tarlandary» serıalynyń kórsetilimi bastalady.
«Oqıǵa jelisinde Qazaqstan áskeri qataryndaǵy áýe desanttarynyń ómiri jaıly súrettelgen. Serıalda olardyń kúndelikti turmys-tirshiligi men erlikteri, bastaryndaǵy qıyndyqtarǵa qaramastan táýekelge bel býyp, Otan aldyndaǵy boryshyn batyldyqpen oryndap, elimizdiń tynyshtyǵyn qorǵaýy jaıly baıandalǵan», delingen ulttyq arna taratqan baspasóz aıǵaǵynda.
Serıaldyń kórsetilimi 1 qazan kúni, kúndelikti saǵat 23. 00-de bastalady.
