«Qazaqstan» arnasy kórermenderge «Іńkár júrek» atty kópserııaly melodrama usynyp otyr (FOTO)
ASTANA. QazAqparat - «Qazaqstan» ulttyq arnasy jańa jylda óz kórermenderin kóptegen jańa jáne shytyrman oqıǵalarǵa toly serıaldarmen qýantady.
Bul joly kórermender nazaryna kópserıaly melodrama usynylady, dep habarlaıdy «Qazaqstan» RTRK» AQ baspasóz qyzmeti.
Jańa dramalyq serıaldyń basty keıipkeri - Sáýle esimdi qyzdyń óziniń baqytyn tabý jolynda qıyndyqqa toly synaqtardan ótýdegi taǵdyry jaıly. Ol kóz jasyn tógý, túnilý jáne kóptegen kedergilerge qaramastan ózi burynnan armandaǵan mamandyǵyn támamdap, jetistikke qol jetkizgen sánger boldy.
Aýyldan shyqqan qarapaıym qyzdan tabysker sánger jolyn fılmde Sáýleniń burynǵy kúıeýine jazǵan hattarynan kóre alamyz. Sáýleniń aıaǵy aýyr edi, biraq kúıeýine aıtpastan ketip qalady. Sol kezdegi qıyndyqtarmen qosa jumys, balany baǵý men asyraý moınyna júkteledi.
15 jyl ótken soń Sáýle óz qyzyn burynǵy kúıeýimen (ıaǵnı qyzynyń ákesi) tanystyrý jáne ýaqytsha qaldyryp ketý úshin týǵan aýylyna oralýǵa bel býady. Jınap kelgende taǵdyr basty keıipkerimizdi burynǵy kúıeýimen qaıta jolyqtyrady. Sáýle oılaǵandaı endi ǵana barlyǵy óz oryndaryna turdy degen kezde taǵy da taǵdyr tosyn synaqtar daıyndap koıdy. Jıilenip ketken qıyndyqtar, iskerlik ortadaǵy shıelenister barlyq serıaldar boıy basty keıipkerdi kútip tur. Kórermenderdiń serıal sońyna deıin nazaryn aýytqýsyz aýdaratyndaı naǵyz ómirlik drama órbıdi.
Kınotýyndynyń árbir jańa serııasynda kórermender basty keıipkerlerdiń bastarynan ótken sezimderdi birge sezinýge múmkindigi týady. Osyndaı áserli oqıǵa ári qaraı qalaı órbıdi jáne nemen aıaqtalatynyn «Qazaqstan» arnasynyń kórermenderi 16 qańtardan bastap kórsetiletin «Іńkár júrek» atty jańa ómirlik hıkaıadan biletin bolady.
