Qazaqstan armııasynyń mergenderi álemde úzdik ataný úshin baq synaıdy

BELARÝSЬ. QazAqparat – Osy kúnderi Belarýs Respýblıkasynyń «Brestskıı» polıgonynda V Armııalyq halyqaralyq oıyndar sheńberinde «Mergen shebi» halyqaralyq baıqaýyna qyzý daıyndyq júrýde. Bul týraly QR Qorǵanys mınıstrliginen málim etti, dep habarlaıdy QazAqparat.

«Jaqynda ǵana jerebe tastaý ótti. Qazaqstan komandasy 20-shy, baıqaý qojaıyndary 18-shi, al reseılik komanda birinshi bolyp óner kórsetetini belgili boldy. Odan basqa, barlyq qatysýshylar qarýdyń jáne ózge de qajetti kerek-jaraqtyń jıyntyǵyn alyp, saıysqa daıyndyqtyń sheshýshi kezeńine kirisip ketti», - delingen aqparatta.

Málim etilgendeı, komandalar saıysqa jiberilý úshin polıgonda jasaqtalǵan medıtsınalyq bazada tekserýden ótti.

«Odan keıin baıqaýdyń barlyq kezeńderi barysynda qaýipsizdik sharalaryn saqtaý boıynsha sabaqtar ótkizildi. Baıqaýǵa qatysýǵa 21 eldiń ókilderi nıet bildirdi. Qyzyǵýshylyq bildirý jaǵynan «Mergen shebi» baıqaýy «Tank bıatlony» jarysynan keıin ekinshi orynda tur.