Qazaqstan armııasynda áskerlerdi qorytyndy tekserý bastaldy

NUR-SULTAN. QazAqparat - El Qarýly Kúshteriniń quramalary men áskerı bólimderinde 2021 oqý jylyn qorytyndy tekserý bastaldy. Bul kezeń qazan aıynyń sońyna deıin jalǵasady, dep habarlaıdy QazAqparat QR Qorǵanys mınıstrliginiń baspasóz qyzmetine silteme jasap.

Qorytyndy tekserýdiń maqsaty áskerlerdiń jaýyngerlik jáne jumyldyrý daıyndyǵynyń naqty jaı-kúıin, jeke quramnyń daıarlyq deńgeıin aıqyndaý, sondaı-aq komandırlerge kúndelikti jáne jaýyngerlik oqý-jattyǵý qyzmetin uıymdastyrý jumystarynyń túrlerin, ádisterin jetildirýde is júzinde qoldaý kórsetý bolyp tabylady.

Bas shtabtyń, Qarýly Kúshter túrleri bas qolbasshylarynyń, óńirlik qolbasshylyqtar áskerleriniń jáne ásker tekteri qolbasshylarynyń, áskerı bólimder komandırleriniń komıssııalary 400-den astam qurama men bólimdi tekseredi.

Áskerı qyzmetshiler taktıkalyq, arnaıy, atys, saptyq, dene shynyqtyrý jáne daıyndyqtyń basqa da túrlerin qamtıtyn jaýyngerlik daıarlyqtyń negizgi pánderinen, sol sııaqty mashınalar men avtomobıl tehnıkasyn júrgizý, radıatsııalyq, hımııalyq jáne bıologııalyq qorǵaý, áskerı topografııa boıynsha synaqtar tapsyrady.

Qorytyndy tekserý nátıjelerine qaraı árbir áskerı qyzmetshi jeke-jeke baǵalanatyn bolady. Sondaı-aq bul áskerı bólimderge de qatysty.