Qazaqstan armııasyna tsıfrlyq ofıtserler ne úshin kerek

NUR-SULTAN. QazAqparat – QR Qorǵanys mınıstriniń orynbasary Darhan Ahmedıev Qazaqstan armııasyna tsıfrlyq ofıtserler ne úshin kerektigin túsindirdi, dep habarlaıdy QazAqparat tilshisi.

Vıtse-mınıstrdiń aıtýynsha, qazir áskerılerdiń tsıfrlyq saýatyn arttyrý baǵytynda naqty sharalar qolǵa alynǵan.

«Salany tsıfrlandyrýdyń taǵy bir baǵyty –tsıfrlyq ofıtserler. Olar Qorǵanys mınıstrligindegi protsesterdiń bárine ınjenırıng júrgizedi. Odan keıingi mańyzdy bir baǵyt – kıberqaýipsizdik. Tsıfrlyq sheshimder durys jumys isteýi úshin barlyq deńgeıde kıberqaýipsizdik qamtamasyz etilýi kerek. Kıberqaýipsizdik aqparattyq qaýipsizdik sharalarymen sınhrondalady», - dedi Darhan Ahmedıev ortalyq kommýnıkatsııalar qyzmetinde ótken brıfıngide.

Vedomstvonyń málimeti boıynsha, 2023 jyldan bastap «Áskerge tirkeý bıleti» qoldanystan alynady.

«Memlekettik bazalarmen ıntegratsııa jasaý arqyly Áskerı bılet rásimdeý protsesiniń kólemi 2-3 ese azaıady. Odan bólek Áskerı bıletke deıin Áskerge tirkeý bıleti degen bar. Kelesi jyly sol tirkeý bıletin múldem alyp tastaǵymyz kelip otyr. Mysaly, qazir 17 jastaǵy ásker qataryna shaqyrylmaǵan azamattar medıtsınalyq tekserýden ótedi. Sodan keıin densaýlyǵyna qaraı qaı áskerı komıssarıatqa tirkelgeni aıtylyp, Tirkeý bıleti beriledi. Biraq kelesi jyldan bastap osy protsesti basqasha jasamaqshymyz. Ondaı uǵymnyń ózin alyp tastaımyz. Áskerge tirkeý bıleti degen bolmaıdy», - dedi mınıstrdiń orynbasary.

Foto : gov.kz