Qazaqstan Armenııamen ózara tıimdi yntymaqtastyqty damyta beredi - QR Prezıdenti

ASTANA. QazAqparat - Memleket basshysy Armenııa Respýblıkasynyń Prezıdenti Armen Sarkısıanmen telefon arqyly sóılesti, dep habarlaıdy Aqordanyń baspasóz qyzmeti.

Armenııa Prezıdenti Armen Sarkısıan Qasym-Jomart Toqaevty Qazaqstan Respýblıkasynyń Prezıdenti laýazymyna kirisýimen quttyqtap, jaýapty qyzmetine tabys tiledi.

Qasym-Jomart Toqaev quttyqtaǵany úshin Armen Sarkısıanǵa rızashylyq bildirip, Qazaqstannyń Armenııamen ózara tıimdi yntymaqtastyqty damytýdaǵy saıası baǵyty ózgermeıtinin aıtty.

Taraptar Qazaqstan Respýblıkasynyń Tuńǵysh Prezıdenti - Elbasy Nursultan Nazarbaevtyń Qazaqstan men Armenııa arasyndaǵy qarym-qatynastardy qalyptastyrýdaǵy aıryqsha rólin atap ótti.

Telefon arqyly sóılesýge Armenııa jaǵy bastamashy boldy.