Qazaqstan-Armenııa iskerlik keńesi eki jaqqa da tıimdi jobalardy júzege asyrýǵa tıis - Toqaev

ASTANA. KAZINFORM – Memleket basshysy Qasym-Jomart Toqaev Armenııa Premer-mınıstri Nıkol Pashınıanmen búgingi mazmundy kelissózderdiń nátıjesin joǵary baǵalady.

- Biz saýda-ekonomıkalyq jáne ınvestıtsııalyq yqpaldastyqty jandandyrý máselesine basa mán berdik. Ózara alys-beris kólemin arttyrýǵa, taýar túrin kóbeıtýge qatysty naqty sharalardy qolǵa alýǵa kelistik. Ózara saýda aınalymyn ulǵaıtý úshin Qazaqstan armıan naryǵyna jalpy quny 350 mıllıon dollar bolatyn taýar usyna alady. Sondaı-aq biz Armenııanyń eksporttyq áleýetin qoldaýǵa nıet bildirdik. Oǵan qosa, ınvestıtsııalyq jobalardy júzege asyrýdyń mańyzdylyǵyn atap óttik. Kásipkerler arasyndaǵy baılanysty nyǵaıtatyn naqty qadamdardy qolǵa alýǵa kelistik. Jańadan qurylǵan Qazaqstan – Armenııa iskerlik keńesi eki el bıznes ókilderiniń basyn qosyp, eki jaqqa da tıimdi jobalardy júzege asyrýǵa tıis, – dedi Prezıdent.

Aıta keteıik, Qasym-Jomart Toqaev pen Nıkol Pashınıan kelissóz qorytyndysy boıynsha Birlesken málimdeme qabyldady.