Qazaqstan Armenııa men Ázerbaıjannyń beıbitshilik jolyndaǵy ortaq umtylysyn tolyq qoldaıdy -Toqaev
ASTANA. KAZINFORM – Qazaqstan Armenııa men Ázerbaıjannyń beıbitshilik jolyndaǵy ortaq umtylysyn tolyq qoldaıdy. Bul týraly Memleket basshysy Qasym-Jomart Toqaev Armenııa Premer-mınıstri Nıkol Pashınıanmen kelissózderden keıingi brıfıngte aıtty.
Qasym-Jomart Toqaev AQSh Prezıdenti Donald Tramptyń Ýkraınadaǵy ahýaldy retteýge baǵyttalǵan kúsh-jigerine jáne usynǵan josparyna qoldaý bildirdi. Memleket basshysynyń aıtýynsha, taraptar aımaqtyq jáne halyqaralyq ózekti máseleler boıynsha pikir almasyp, eki eldiń kóptegen túıtkilge qatysty ustanymdary uqsas ekenin rastaǵan.
– Qazirgi kúrdeli geosaıası jaǵdaıda AQSh Prezıdenti Donald Tramptyń Ýkraınadaǵy ahýaldy retteýge baǵyttalǵan kúsh-jigerin jáne usynyp jatqan josparyn qoldaımyn. Sondaı-aq Qazaqstan Armenııa men Ázerbaıjannyń beıbitshilik jolyndaǵy ortaq umtylysyn tolyq qoldaıdy, – dedi Prezıdent.
Aıta keteıik, Qasym-Jomart Toqaev pen Nıkol Pashınıan kelissóz qorytyndysy boıynsha Birlesken málimdeme qabyldady.