Qazaqstan arqyly Reseı astyǵyn Ózbekstanǵa eksporttaǵandar ustaldy
«Qarjy monıtorıng agenttigi Qostanaı oblysy boıynsha departamentiniń qyzmetkerleri elge kirgizilgen astyq kólemin tómendetip, Reseıden avtomobıl kóligimen astyqtyń «sur» ımportymen aınalysatyn adamdar tobynyń qylmystyq áreketin áshkereledi.
Atalǵan tulǵalar 2021-2022 jyldar kezeńinde Ózbekstan Respýblıkasyna 500 mln teńgeden astam somaǵa 4,8 myń tonna kóleminde Reseı astyǵyn eksporttaǵan. Bul rette, atalǵan astyqty eksporttaý kezinde halyqaralyq tranzıttik tarıfti tóleýden jaltarý maqsatynda ol qazaqstandyq taýar retinde kórsetilgen. Buǵan otandyq sharýa qojalyqtarynyń jalǵan shot-faktýralary paıdalanylǵan jáne bul 88 mln teńge mólsherinde tranzıttik tarıften jaltarýǵa múmkindik bergen. Sotqa deıingi tergeý jalǵasýda», - delingen agenttik habarlamasynda.
Aıta keteıik, QR Konstıtýtsııasynyń 77-baby 3-tarmaǵynyń 1-tarmaqshasyna jáne QR Qylmystyq-protsestik kodeksiniń 19-babynyń 1-bóligine sáıkes, ár adam sot úkimi zańdy kúshine engenge deıin qylmystyq quqyq buzýshylyq jasaýda
kinásiz dep esepteledi.
