Qazaqstan arqyly ótetin halyqaralyq poıyzdarǵa jeńildikter engizildi

ASTANA. QazAqparat - «Jolaýshylar tasymaly» AQ Qazaqstan aýmaǵy arqyly Tájikstannan Reseıge qatynaıtyn halyqaralyq poıyzdarǵa jeńildikter jarııalanǵanyn habarlady.

«2016 jyldyń 10 aqpany men 22 jeltoqsany aralyǵynda satyp alý merzimine (uzaqtyǵyna) baılanysty barlyq sanattaǵy vagondarǵa tómendegideı jeńildikter bekitildi: jol júrý qujatyn 45 táýlikten 31 táýlikke deıin aldyn ala satyp alǵan jaǵdaıda 58% jeńildik; jol júrý qujatyn 30 táýlikten 21 táýlikke deıin aldyn ala satyp alǵan jaǵdaıda 52% jeńildik; jol júrý qujatyn 20 táýlikten 5 táýlikke deıin aldyn ala satyp alǵan jaǵdaıda 46% jeńildik», - delingen kompanııa aqparatynda.

Aıta keterligi, atalǵan jeńildik Qazaqstan aýmaǵy arqyly Tájikstannan Reseıge qatynaıtyn halyqaralyq poıyzdarǵa ǵana jaraıdy jáne memleketishilik (bir memleket aýmaǵyndaǵy) baǵdarlarda, sondaı-aq bir top jolaýshylar birge bılet alǵan jaǵdaıda bul jeńildikter qoldanylmaıdy.