Qazaqstan arqyly ótken júk tranzıti 29 mln tonnadan asty

ASTANA. KAZINFORM — Kólik mınıstri Nurlan Saýranbaev Úkimet otyrysynda el aýmaǵynda kórsetilgen kólik qyzmetiniń kólemi 20 paıyz ósim kórsetkenin aıtty.

— Jyldyń 10 aıynda kólik qyzmetteriniń kólemi 20,7 paıyz ósip, negizgi kapıtalǵa salynǵan ınvestıtsııalar 18,4 paıyz artty. Al tranzıttik júk kólemi 29,4 mln tonnaǵa jetti, 5 paıyzdyq ósim kórsetti, — dedi mınıstr.

Onyń sózinshe, eldiń tranzıttik áleýetin arttyrý úshin 13 myń shaqyrym jol jóndelgen.

— Respýblıkalyq joldardyń 93 paıyzy tehnıkalyq jaǵdaıy normatıvke saı. Іshki shekaradaǵy ótkizý pýnktteri modernızatsııalanyp jatyr. 2027 jyldyń sońyna deıin 37 ótkizý beketin aıaqtaý josparlanyp otyr, — dedi Nurlan Saýranbaev.

Buǵan deıin Qytaıdan Qazaqstan arqyly ótetin temirjol tranzıti 11%-ǵa artqanyn jazǵan edik.