Qazaqstan ardagerleri shyǵysqazaqstandyqtardyń referendým ótkizý jónindegi úndeýin tolyq qoldaıtyndyqtaryn bildirdi

Shyǵysqazaqstandyq ardagerler jarııalaǵan úndeý búgin Astanada ótip jatqan «Qazaqstan Respýblıkasy ardagerler uıymy» qoǵamdyq birlestigi Ortalyq keńesiniń kezekti Plenýmynda talqylandy. Atalmysh jıynǵa Ortalyq keńes pen qoǵamdyq birlestiktiń revızııalyq komıssııasynyń múshelerinen basqa respýblıkamyzdyń barlyq óńirlerinen jınalǵan 100-ge jýyq ardagerler uıymdarynyń belsendi azamattary qatysty. Pleným barysynda olar Memleket basshysy Nursultan Nazarbaevtyń Qazaqstannyń damýy jolynda sińirgen eńbekteri jóninde aıta kele, shyǵysqazaqstandyq ardagerlerdiń úndeýlerinde kóterilgen máselelerdi tolyq qoldaıtyndyqtaryn bildirip, arnaıy qaýly qabyldady. Ardagerler jıynda referendým ótkizilgen jaǵdaıda barlyǵy biraýyzdan Nursultan Nazarbaevqa daýys beretindikterin de bildirdi.

Pleným barysynda Úndeýdiń mátinimen jınalǵandardy Shyǵys Qazaqstan oblystyq ardagerler keńesiniń tóraǵasy Gennadıı Berdıýgın tanystyrdy. Onyń sózine qaraǵanda, atalmysh qujatta Memleket basshysynyń Qazaqstannyń damýyna qosqan úlesi, Prezıdenttiń el bolashaǵy jolynda atqarǵan isteri týraly baıandalady. Sondaı-aq shyǵysqazaqstandyq ardagerler áriptesterin referendýmda Memleket basshysyna daýys berýge shaqyrady.

Pleným barysynda sonymen qatar Ardagerler uıymynyń VI sezin daıyndaý jáne ótkizýdi uıymdastyrý sııaqty ózge de birqatar máselelerdi qaraý kózdelgen.