Qazaqstan Araldy qutqarý qoryna úsh jyl tóraǵalyq etedi
2024 jyldan bastap Halyqaralyq Araldy qutqarý qoryna tóraǵalyq etý kezegi Qazaqstan Respýblıkasyna ótti. Memleket basshysy Qasym-Jomart Toqaev 2026 jyldyń sońyna deıin qor prezıdenti bolyp saılandy, dep habarlaıdy Kazinform Sý resýrstary jáne ırrıgatsııa mınıstrligine silteme jasap.
Halyqaralyq Araldy qutqarý qory quramyna Qazaqstan, Tájikstan, Túrikmenstan jáne Ózbekstan kiredi.
«Biz Ortalyq Azııa memleketterimen, sondaı-aq basqa da halyqaralyq uıymdarmen jáne qarjy ınstıtýttarymen yntymaqtastyqty arttyrýdy josparlap otyrmyz. Bıyl biz Dúnıejúzilik bankpen birge júzege asyrylyp jatqan Soltústik Araldy saqtaý jobasynyń ekinshi kezeńin bastaýdy josparlap otyrmyz. Aral teńizin qutqarý – qorǵa qatysýshy barlyq eldiń birlesken kúsh-jigeriniń arqasynda ǵana oryndalatyn mindet. Aldaǵy 3 jylda biz osy baǵytta mańyzdy nátıjelerge qol jetkizýge nıettimiz», - deıdi QR Sý resýrstary jáne ırrıgatsııa mınıstri Nurjan Nurjigitov.
Atalǵan uıym Aral teńizin qutqarýǵa jáne óńirdiń ekologııalyq jaǵdaıyn jaqsartýǵa, sondaı-aq jalpy áleýmettik-ekologııalyq problemalardy sheshýge baǵyttalǵan birlesken memleketaralyq ekologııalyq jáne ǵylymı-praktıkalyq baǵdarlamalar men jobalardy iske asyrýmen aınalysady.
