Qazaqstan arab elderi úshin halal-hab bolýǵa qaýqarly - «Atameken» UKP
«Qazaqstannyń agroónerkásip kesheni ónimderin Birikken Arab Ámirlikterine tasymaldaý máselesi eki jaqtyń da qyzyǵýshylyǵyn tıýdyryp otyr. Sizder Qazaqstandy barsha Islam yntymaqtastyǵy uıymy elderi úshin azyq-túlik qaýipsizdigin qamtamasyz etý turǵysynda qaýqarly memleket retinde qarastyrǵandaryńyz jón. Ózderińiz bilesizder, elimizdiń aýyl sharýashylyǵy alqaptarynyń suranysty qamtamasyz etý múmkindikteri joǵary»,-dedi Áltaev.
Osy oraıda ol BAÁ bıznesi tarapynan mal sharýashylyǵy ónimderine, astyq jáne burshaqty daqyldarǵa qyzyǵýshylyq bar ekenin jetkizdi.
Onyń sózine qaraǵanda, búginde Ámirlikterdiń ishki naryǵy tolyqtaı ımporttalatyn etpen qamtamasyz etiledi jáne tutyný kólemi únemi artyp keledi. Tek 2015 jyldyń ózinde atalǵan el 800 mln. dollarǵa 154 myń tonnaǵa jýyq et ımporttaǵan.
«Islam damý bankinde tıisti joba qarastyrylyp jatqanyn bilesizder, onyń aıasynda Qazaqstan arab elderi úshin halal-hab bolýǵa qaýqarly. Atap aıtqanda, halal-ónim naryǵy álemde qarqyndy damyp kele jatyr jáne osy naryqtyń kólemi 33 mıllıard AQSh dollarynan astam qarjyny qurap otyr. Bul rette ózara jumys ishin eleýli áleýet bar»,-dedi Áltaev.
Aıta keteıik, bıznes-forým barysynda «Atameken» ulttyq kásipkerler palatasy men Birikken Arab Ámirlikteri Kásipkerler palatasynyń jáne Indýstrııa federatsııasynyń arasyndaǵy Qazaqstan-BAÁ Birlesken bıznes keńesin qurý boıynsha ózara túsinistik týraly memorandýmǵa qol qoıyldy.
