Qazaqstan AÓІSShK-niń halyqaralyq arenadaǵy rólin nyǵaıtýǵa kúsh salady - Rahmetýllın

NUR-SULTAN. QazAqparat – Qazaqstan Azııadaǵy ózara is-qımyl jáne senim sharalary keńesiniń halyqaralyq arenadaǵy rólin nyǵaıtýǵa kúsh salady. Bul týraly atalǵan keńes Syrtqy ister mınıstrleriniń 6-kezdesýinen keıin QR Syrtqy ister mınıstriniń orynbasary Aqan Rahmetýllın aıtty, dep habarlaıdy QazAqparat tilshisi.

«Azııadaǵy ózara is-qımyl jáne senim sharalary keńesi Syrtqy ister mınıstrleriniń 6-kezdesýi qazir ǵana aıaqtaldy. QR Tuńǵysh Prezıdenti – Elbasy Nursultan Nazarbaev AÓІSShK-niń negizin qalaýshy ekeni ózderińizge de belgili. Elbasy bul bastamany 1992 jyly Birikken Ulttar Uıymy Bas assambleıasynyń 47-sessııasynda jasady. Ótken jyly qyrkúıekte Qazaqstan AÓІSShK tóraǵalyǵyn qabyldady. AÓІSShK Azııanyń kóptegen eliniń joǵary baǵasy men qoldaýyna ıe bolǵan Qazaqstannyń alǵashqy halyqaralyq bastamalarynyń biri sanalady. Qazaqstan tóraǵalyǵy kezinde AÓІSShK qyzmetin damytý jáne onyń halyqaralyq arenadaǵy rólin nyǵaıtý úshin barlyq kúsh-jigerin salady», - dedi Aqan Rahmetýllın BAQ ókilderine.

Aıta keteıik, kezdesý barysynda AÓІSShK-ni transformatsııalaýdy odan ári ilgeriletý maqsatynda Qazaqstan 2022-2024 jyldarǵy AÓІSShK tóraǵasy laýazymyna kandıdatýrasyn usyndy.