Qazaqstan analar ólim-jitimin tómendetýde óte jaqsy kórsetkishterge qol jetkizdi - BUU Qorynyń Orta Azııa boıynsha ofısiniń dırektory

ASTANA. QazAqparat - Qazaqstan sońǵy jyldary analar ólim-jitimin tómendetýde óte jaqsy kórsetkishterge qol jetkizdi. Búgin Aqordada QR Memlekettik hatshysy Gúlshara Ábdiqalyqovamen kezdesý aldynda tilshilergen bergen suhbatynda BUU Halyqty qonystandyrý salasyndaǵy qorynyń (ıÝNFPA) Orta Azııa boıynsha sýbaımaqtyq ofısiniń dırektory Nıkolaı Botev osylaı aıtty.

«Birinshi kezekte biz halyqty qonystandyrý, osy baǵyttaǵy qalyptasqan úrdisti, sondaı-aq demografııalyq máselelerdi talqylaýǵa mán beremiz. Atap aıtqanda QR Memleket hatshysymen bizdiń qor aınalysatyn barlyq mańyzdy taqyryptardy qamtymaqpyz», - dedi N. Botev.

Ol, sonymen qatar, analar densaýlyǵyn qorǵaý máselelerine toqtaldy. Dırektordyń sózine qaraǵanda, sońǵy tórt jylda Qazaqstan bul baǵytta jaqsy kórsetkishterdi baıqatyp otyr. «2009 jyldan 2013 jyl aralyǵynda Qazaqstanda analar ólim-jitiminiń aıtarlyqtaı tómendeýi oryn aldy», - dedi ol.

N. Botev QR Úkimeti bul baǵyttaǵy jumystardy jalǵastyrýǵa qaýqarly ekenin, analar ólimi-jitimin tómendetýde eýropalyq elderdiń deńgeıine barynsha jaqyndaýǵa múmkindigi mol ekendigin atap ótti.

Kezdesý barysynda QR Memlekettik hatshysy Gúlshara Ábdiqalyqova uıymmen birlesken sharalardyń nátıjesinde náreste jáne analar ólim-jitimi tómendegenin atap ótti. «Eger de 2008-2009 jyldary júz myń anaǵa shaqqanda ólim-jitim sany 36,8 bolsa, sońǵy jylda bul kórsetkish 11,5-ti qurady. Árıne, alda atqaratyn áli de kóptegen jumystar bar», - dedi Memlekettik hatshy.