Qazaqstan Amerıkanyń bıznes kapıtandarymen birqatar kelisimge qol jetkizdi – Erlan Qarın
ASTANA. KAZINFORM – Memlekettik keńesshi Erlan Qarın óziniń Telegram paraqshasynda jazba jarııalap, Prezıdent Qasym-Jomart Toqaevtyń AQSh-qa sapary tabysty ótip jatqanyn aıtty.
– Jýyrda Memleket basshysy Qasym-Jomart Toqaevtyń Qytaıǵa saparynda quny shamamen 15 mlrd dollarǵa teń 70 kelisimge qol qoıyldy. Prezıdenttiń osy jolǵy AQSh sapary da aıtarlyqtaı tabysty ótip jatyr. Amerıkanyń bıznes kapıtandarymen bolashaǵy zor birqatar jobany júzege asyrý jóninde kelisimderge qol jetkizildi. Áńgime Wabtec, PepsiCo, Amazon, Chevron jáne taǵy basqa iri kompanııalar jaıynda bolyp otyr. Máselen, Wabtec kompanııasymen quny shamamen 4,2 mlrd dollardy quraıtyn kelisim jasaldy. Investıtsııa tartý baǵytynda tabandy ári júıeli jumys júrgizilip jatyr, - dep jazdy Erlan Qarın.
Aıta keteıik, Prezıdent Qasym-Jomart Toqaevtyń Nıý-Iorkke jumys sapary bastaldy.
Nıý-Iork qalasyna sapary barysynda Qasym-Jomart Toqaev Donald Tramppen sóılesti.
Prezıdent Amerıkanyń bıznes ókilderimen ótken «dóńgelek ústel» otyrysynda sóz sóıledi.