Qazaqstan Altaıynyń jaýhary — Marqakól qoryǵyna 50 jyl toldy
ASTANA. KAZINFORM — 1976 jyly negizi qalanǵan qoryq jarty ǵasyr boıy Qazaqstan Altaıynyń biregeı tabıǵı keshenderin, Marqakól kóliniń qaıtalanbas ekojúıesin, sırek kezdesetin ósimdikter men janýarlar dúnıesin saqtap keledi. Bul týraly Ekologııa jáne tabıǵı resýrstar mınıstrligi málim etti.
Mınıstrliktiń málimetinshe, osy jyldar ishinde qoryq bıoalýantúrlilikti saqtaý, ǵylymı zertteýler júrgizý jáne tabıǵı murany keler urpaqqa jetkizý baǵytynda aýqymdy jumystar atqaryp, elimizdiń tabıǵat qorǵaý salasynyń damýyna eleýli úles qosqan.
Búginde Marqakól memlekettik tabıǵı qoryǵy — tabıǵatty qorǵaýdyń, ǵylymı izdenistiń jáne ekologııalyq jaýapkershiliktiń jarqyn úlgisi. Jarty ǵasyrlyq tarıh — tabıǵatqa degen adal qyzmettiń, janashyrlyq pen jaýapkershiliktiń aıqyn kórinisi.
