Qazaqstan almasy Reseıge eksportqa shyǵaryldy

NUR-SULTAN. QazAqparat - Qazaqstan almasy Reseıge esportqa shyǵaryldy. Bul týraly QR Saýda jáne ıntegratsııa mınıstri Baqyt Sultanov Facebook paraqshasynda jazdy, dep habarlaıdy QazAqparat tilshisi.

«Dostar, búgin taǵy bir mańyzdy eksporttyq taýar - qazaqstandyq baqtarda ósirilgen dámdi alma týraly aıtqym keledi. Bıylǵy jyly ekonomıkalyq jaǵdaıdyń qıyndyǵyna qaramastan, «Arnau Agro» JShS-nyń almalaryn Reseıge jetkizýdi bastaý múmkindigi týdy. Alǵashqy partııalardyń biri qazir Novosibirge jetkizildi jáne ónim jergilikti turǵyndar arasynda úlken suranysqa ıe. Bul almalardy eksporttaýda memlekettik qoldaý quraldary úlken ról atqarǵanyn atap ótkim keledi», - deıdi mınıstr.