Qazaqstan áli de keminde 50 jyl munaı óndiredi
ASTANA. 17 qyrkúıek. QazAqparat - Qazaqstan áli de keminde 50 jyl munaı óndiredi. Bul týraly búgin Úkimet otyrysynda QR Munaı jáne gaz mınıstri Uzaqbaı Qarabalın málim etti.
«Qazaqstan qorlar boıynsha álemniń alǵashqy 10 eliniń qatarynda tur. Bul munaıdy kem degende 50 jyl boıy óndirýge múmkindik berip otyr», - dedi ol.
Sonymen qatar mınıstrdiń atap ótýinshe, Qazaqstannyń jańa qorlardy tabýda jáne el aýmaǵyndaǵy ishki munaı ónimderin naryǵyn óz resýrstarymyzben tolyqtaı qamtamasyz etýge múmkindigi bar.
U.Qarabalın qazaqstandyq salany álsiretetin keıbir jaıttardyń bar ekendigin jasyrmady. «Olardyń arasynda munaıdyń joǵary ózindik quny men ereksheligi, joǵary kóliktik quramdasy, shıkizat bazasynyń ornyn toltyrý jónindegi jumystardy jandandyrýdyń shuǵyl qajettigi, munaıdy syrtqa shyǵarýdyń joǵary tartymdylyǵy syndy jaıttar bar», - dedi ol.
