Qazaqstan alǵash ret Azıadada úzdik bestikke enbeı qaldy

ASTANA. QazAqparat - 2 qyrkúıek - Indonezııada ótip jatqan Azııa oıyndarynyń sońǵy jarys kúni. Qazaqstandyq sportshylar búgin jarysty aıaqtady, sondyqtan erteńgi kúngi oıyndar bizdiń reıtıngtegi ornymyzdy ósirmeıdi, dep habarlaıdy «SPORTINFORM» SAA.

Azıadanyń jalpy medaldar sany boıynsha Qazaqstan 9-shy orynda tur. Táýelsizdik alǵannan bergi jyldarda ótken Azııa oıyndarynyń bárinde Qazaqstan úzdik bestik qatarynan kórinip kelgen. Bıylǵy kórsetkish boıynsha 15 altyn, 17 kúmis enshilep otyrmyz, bul kórsetkish te burnaǵy jyldarǵy jetistikterdiń ishindegi eń tómen nátıje bolyp tirkelip otyr. Tek qola medal sany boıynsha (44) ǵana óz rekordymyzdy jańarttyq.

Úzdik úshtik - Qytaı, Japonııa, Koreıa. Tórtinshi orynda Azııa oıyndaryn ótkizgen - Indonezııa. TOP-5-tikti Ózbekstan túıindep tur.