Qazaqstan áleýmettik jelide dinı ýaǵyz júrgizýge shekteý qoıa ma – vıtse-mınıstr jaýaby

ASTANA. KAZINFORM –  Mádenıet jáne aqparat vıtse-mınıstri Qanat Ysqaqov Senat otyrysynan keıingi brıfıngide áleýmettik jelide dinı ýaǵyz júrgizýshiler týraly pikir bildirdi.

BAQ ókili vıtse-mınıstrden Ózbekstannyń áleýmettik jelide dinı ýaǵyz júrgizýge tyıym salý tájirıbesin Qazaqstanda qoldaný múmkindigi týraly surady.

«Árıne, kórshimizdiń bul tájirıbesin bilemiz. Meniń oıymsha, áleýmettik jeliler de úmmet jáne azamattarmen baılanys ornatýdyń bir quraly. Sondyqtan biz ázirshe basqa nusqany qarastyryp jatyrmyz. Biraq áleýmettik jelide ýaǵyz júrgizýge tyıym salý máselesi qarastyrylyp otyrǵan joq», - dedi ol.

Q.Ysqaqov dinı ýaǵyzdy áleýmettik júrgizýdiń birneshe tásili keń taraǵanyn atap ótti.

«Qarym-qatynastyń basqa da nusqasy bar. Mysaly, offlaın, onlaın, strımge shyǵý. Bul jamaǵat sóılesýdiń bir nusqasy. Kún tártibinde bul máselege tikeleı shekteý qoıý turǵan joq», - dedi ol.