Qazaqstan áleýmettik salada BUU-men belsendi jumys atqaryp jatyr – Oljas Bektenov
ASTANA. KAZINFORM – Búginde tsıfrlandyrý áleýmettik eńbek qatynastarynyń barlyq salasyna belsendi túrde engizilip otyr. Bul týraly elordadaǵy «Áleýmettik vektor: kásibılik, qurmet, tsıfrlyq bolashaq» halyqaralyq forýmynda Premer-mınıstr Oljas Bektenov málim etti.
- Búgingi jıynǵa Birikken Ulttar Uıymy, Halyqaralyq eńbek uıymy, Halyqaralyq kóshi-qon uıymy, ıÝNISEF jáne basqa da uıymdardyń ókilderi arnaıy qatysyp otyr. Mártebeli meımandarymyzǵa jáne forýmnyń ózge de qatysýshylaryna shynaıy rızashylyǵymdy bildiremin. Qazaqstan Prezıdenti Qasym-Jomart Kemeluly Toqaev bıylǵy halyqqa Joldaýynda memleket ár azamattyń laıyqty tabys taýyp, sapaly áleýmettik qyzmet alyp, erteńgi kúnine senimdi bolýy úshin barynsha jaǵdaı jasaıtynyn atap ótti. Bul oraıda áleýmettik teńsizdikti joıý, arnaýly áleýmettik qyzmetter júıesin damytý jáne osy baǵytta eń úzdik halyqaralyq standarttardy engizý – memlekettiń basym mindetteriniń biri. Atalǵan maqsatqa qol jetkizý aıasynda Qazaqstan Úkimeti Birikke Ulttar Uıymymen, onyń ishinde Halyqaralyq eńbek uıymymen jáne Halyqaralyq áleýmettik qamsyzdandyrý qaýymdastyǵymen birge belsendi jumys attqaryp keledi. Basty maqsat – áleýmettik qorǵaý júıesindegi jahandyq syn-qaterlerdiń áserin barynsha azaıtý, - dedi O. Bektenov.
Onyń aıtýynsha, búginde halyqaralyq eńbek naryǵy túbegeıli ózgerip keledi. Demografııalyq turǵydan ornyqty damý jáne ómir súrý uzaqtyǵy ósken saıyn eńbekke qabiletti adamdar qatarynyń arta túsýi ózekti máselege aınaldy.
- Іshki mıgratsııa, óńiraralyq teńsizdik, platformalyq jumyspen qamtýdyń keńinen taralýy - munyń barlyǵy elimizdegi áleýmettik qorǵaý júıesin udaıy jetildirip otyrýdy qajet etedi. Osy ýaqyt ishinde Qazaqstan halyqaralyq uıymdarmen birge múgedektigi bar adamdar men áleýmettik turǵydan osal toptardyń quqyqtaryn qamtamasyz etýge, arnaıy áleýmettik qyzmet júıesin damytýǵa baǵyttalǵan birqatar iri jobalardy iske asyrdy, sondaı-aq aldaǵy bes jylǵa arnalǵan Inklıýzıvti saıasat tujyrymdamasyn qabyldap, múgedektigi bar jandardyń quqyqtary týraly BUU-nyń konventsııalaryn bekitti. Qazaqstan Halyqaralyq eńbek uıymymen de tıimdi áriptestik ornatyp, ulttyq zańnamany jetildirý baǵytynda úılesimdi jumys júrgizýde. Sonymen qatar, Memleket basshysy bıylǵy Joldaýynda áleýmettik qorǵaý júıesinde jappaı tsıfrlandyrý men jasandy ıntellektiniń mańyzdy ról atqaratynyn basa aıtty. Búginde tsıfrlandyrý áleýmettik eńbek qatynastarynyń barlyq salasyna belsendi túrde engizilip, úlken derekterdi óńdeýge múmkindik berip otyr. Halyqaralyq qaýymdastyqtyń baǵalýy boıynsha Qazaqstannyń Otbasylyq tsıfrlyq kartasy ótken jyldyń eń úzdik tsıfrlyq jobasy dep tanyldy. Qazir munda 6 mln otbasyn qamtıtyn derekter jınaqtalǵan jáne 11 memlekettik qyzmet túri proaktıvti formatta usynylady, - dedi Úkimet basshysy.
Munymen qosa ol ınnovatsııalyq jobalardyń qatarynda Biryńǵaı tsıfrlyq platforma men Áleýmettik qyzmetter portaly iske asyrylyp jatqanyn atap ótti.
Eske salsaq, búgin elimizde Áleýmettik qorǵaý júıesi qyzmetkeriniń kúni atalyp ótip jatyr.
2026 jyly halyqty áleýmettik qorǵaýǵa — 6,8 trln teńge jumsalady.