Qazaqstan áleýmettik jańǵyrtýǵa 2013 jyly 379,4 mlrd. teńge bóledi - S.Ahmetov
ASTANA. 5 qazan. QazAqparat - Qazaqstan áleýmettik jańǵyrtýǵa 2013 jyly 379,4 mlrd. teńge bóledi. Búgin Astanada «Nur Otan» HDP-nyń QR Parlamenti Májilisindegi fraktsııasynyń keńeıtilgen jınalysynda QR Úkimet basshysy Serik Ahmetov osylaı málim etti.
Onyń atap ótýinshe, búginde bilim, ǵylym jáne ınnovatsııaǵa baǵyttalǵan, álemdik deńgeıdegi túbegeıli jańa joba - Nazarbaev ýnıversıteti sátti damý ústinde. Aldaǵy osy ýaqytta osy modeldi elimizdiń búkil joǵary bilim berý júıesin engizý ári taratý mindeti qoıylǵan.
«Tolyqtaı alǵanda Memleket basshysynyń «Qazaqstannyń áleýmettik jańǵyrtylýy: Jalpyǵa Ortaq Eńbek Qoǵamyna qaraı 20 qadam» maqalasynda berilgen tapsyrmalardy júzege asyrýǵa respýblıkalyq bıýdjetten 2013 jyly 379,4 mlrd. teńge qarastyrylǵan», - dedi Úkimet basshysy.
