Qazaqstan álemniń 187 elimen dıplomatııalyq qatynastar ornatqan

ASTANA. KAZINFORM — 2 shildede Qazaqstanda Dıplomatııalyq qyzmet kúni atalyp ótedi. 

1992 jyly 2 shildede Táýelsiz Qazaqstannyń Syrtqy ister mınıstrligi qurylǵan edi. Dál osy kúni Prezıdenttiń «Syrtqy ister mınıstrligi týraly», «Qazaqstan Respýblıkasynyń elshiligi týraly» jáne «Tótenshe jáne Ókiletti elshisiniń negizgi mindetteri men quqyqtary týraly» erejelerdi bekitý týraly Jarlyǵy shyqty.

Syrtqy ister mınıstrliginiń habarlaýynsha, búginde Qazaqstan álemniń 187 memleketimen dıplomatııalyq qatynastar ornatqan. 1992 jyly Birikken Ulttar Uıymyna múshe bolǵan soń, eń iri álemdik jáne aımaqtyq deńgeıdegi uıymdarǵa múshe atana bastady.

Búginde Qazaqstan Eýrazııalyq ekonomıkalyq odaq, Shanhaı yntymaqtastyq uıymy, Islam yntymaqtastyq uıymy, Azııadaǵy ózara is-qımyl jáne senim sharalary keńesi syndy 200-ge jýyq halyqaralyq jáne óńirlik uıymdardyń, onyń ishinde BUU-nyń mamandandyrylǵan mekemeleri men baǵdarlamalarynyń múshesi.

Qazaqstan Respýblıkasynyń álemniń 80 elinde 122 sheteldik mekemesi bar. Olardyń ishinde 75 elshilik, halyqaralyq uıymdar janyndaǵy 7 turaqty ókildik, 40 bas konsýldyq, konsýldyq jáne shet elderdegi mekemelerdiń ózge de túrleri bar.

Buǵan deıin tsıfrlandyrýdyń jahandyq dıplomatııaǵa qalaı áser etkeni týraly sholý jarııalanǵan edi.

Búgin Prezıdent Qasym-Jomart Toqaev Moldova Premer-mınıstriniń orynbasary — Syrtqy ister mınıstri Mıhaı Popshoıdy qabyldady.