Qazaqstan álemniń ındýstrıaldy damyǵan elderiniń qataryna ótýi úshin barlyq jaǵdaıdy jasaıtyn bolamyz -N. Nazarbaev

ASTANA. 8 sáýir. QazAqparat / Qanat Mámetqazyuly/ - Úshinshi onjyldyq basynda Qazaqstan álemniń ındýstrıaldy damyǵan elderiniń qataryna ótýi úshin barlyq jaǵdaıdy jasaıtyn bolamyz. Búgin Astanadaǵy Táýelsizdik saraıynda ótken ulyqtaý rásiminde Qazaqstan halqyna Ant berip, jańa prezıdenttik merzimge resmı kiriskennen keıin sóılegen sózinde QR Prezıdenti Nursultan Nazarbaev osylaı málimdedi.

Sóz arasynda Memleket basshysy ınnovatsııalaq damý máselelerine keńinen toqtala kele, ǵylymı zerthanalarda, zamanaýı óndiristerde jumystardy jańǵyrtý qajettigine de toqtalyp ótti. Bul úshin 100 absolıýtti ınnovatsııany izdeýge kirisý qajettigin de aıtty. Bundaı mindet Úkimet pen barlyq mınıstrlikterdiń, vedomstvolardyń, óńirlik basshylyq aldyna júktelgen. «Eger biz osylardyń arasynan asa perspektıvaly bolyp tabylatyn jobalardyń 10-yn tańdap alatyn bolsaq jáne jaqyn aralyqtaǵy 20 jylda solardy júzege asyrýǵa kúsh salsaq, bunyń bári Qazaqstannyń alǵa qaraı jyljýyna qýatty serpin beertin bolady. Bul el damýyn aıqyndap beretin ulttyq ınnovatsııalyq klassty qalyptastyrýdyń kilti. Úshinshi onjyldyqtyń basynda biz Qazaqstandy álemniń ındýstrıaldy damyǵan elderiniń qataryna ótýi úshin barlyq jaǵdaıdy jasaımyz. Osylaısha biz, 2030 jylǵa deıingi tarıhı strategııany saltanatty túrde aıaqtaıtyn bolamyz jáne odan keıingi onjyldyq úshin budan da órshil josparlardy ázirleýge kirisemiz. Bunyń ózin bizdiń balalarymyz ben nemerelerimiz júzege asyratyn bolady jáne olar bizdiń sol urpaq úshin osynshama qýatty bazany qalyptastyrǵanymyzdy maqtanyshpen eske alatyn bolady», - dedi Elbasy.