Qazaqstan álemniń eń turaqty 20 memleketiniń qataryna endi
ASTANA. 20 qyrkúıek. QazAqparat - KPMG (aýdıtorlyq, salyqtyq jáne konsýltatsııalyq qyzmet kórsetetin fırmalardyń ǵalamdyq jelisi) dúnıe júzi elderiniń ózgeriske turaqtylyǵy ındeksin jarııalady. Tizim Sıngapýrmen bastalyp, Aýǵanstanmen aıaqtalady. Qazaqstan onda Panama jáne Ispanııanyń aralyǵynan oryn teýip, AQSh, Ulybrıtanııa jáne basqa damyǵan elderdiń qatarynda 20-oryndy alǵan.
KPMG bul zertteýdi ekinshi ret ótkizip otyr jáne ótken jyly Qazaqstan barynsha joǵary orynda turǵan, ol kezde tizimde 30 el bolǵan edi, al osy jyly 90 el qatysyp otyr. Oxford Economics-pen birlese jasalǵan turaqtylyq ındeksiniń jańa nusqasynda elderdiń aıaq astynan tap bolǵan apatty jaǵdaılarǵa, tehnologııalardyń, demografııanyń, jahandyq básekege qabilettilik pen ınvestıtsııa aǵynynyń tómendeýi sııaqty uzaq ýaqyttyq tendentsııalarǵa beıimdelý qabileti taldandy.
Qazaqstan fıskaldi, bıýdjettik, saýda saıasaty, ekonomıkalyq ashyqtyq, ekonomıkalyq ınfraqurylym kórsetkishteri boıynsha jaqsy kórsetkishterge ıe. Alaıda qoǵamdyq baqylaý, memleket pen bıznestik ara-qatynas boıynsha kórsetkishi tómen.
Qazaqstannyń 20 eń turaqty elderdiń qataryna engen TMD-nyń jalǵyz memleketi ekeni este qalarlyq oqıǵa, mysaly, Reseı tek 62-oryndy ıelendi. Al barlyq postkeńestik memleketter arasynan Qazaqstan Lıtvamen ǵana kórshiles bolyp tur.
