Qazaqstan álemniń 36 elin biriktiretin Eýropalyq menedjment assotsıatsııasyna kiredi

Bul týraly búgin «Menedjment salasynda densaýlyq saqtaý júıesiniń áleýetin arttyrý: densaýlyq saqtaý menedjmentiniń damýyna júıeli qadamdar» taqyrybynda ótken ekinshi halyqaralyq konferentsııa barysynda QR Densaýlyq saqtaý mınıstrligi Respýblıkalyq densaýlyq saqtaý ortalyǵynyń bas dırektory Maqsut Quljanov aıtty.

«Aıta ketken jón, biz qolda bar barlyq resýrstardy tıimdi basqaramyz jáne qoldanamyz, kórshi memlekettermen salystyrǵanda bizdiń elimiz áldeqaıda alda keledi. Máselen, Qazaqstan álemniń 36 elin biriktiretin Eýropalyq menedjment assotsıatsııasyna kiredi. Aıta keteıik, bul halyqaralyq qoǵamdastyqqa TDM-nyń eki memleketi ǵana múshe, sonyń biri - Qazaqstan. Bul QR-da densaýlyq saqtaý menedjmentiniń joǵary deńgeıde ekenin kórsetedi», - dep atap ótti ol.