Qazaqstan álemniń 30 iri eksporttaýshy elderiniń tizimine endi
ASTANA. 22 shilde. QazAqparat - Qazaqstan álemniń 30 iri eksporttaýshy elderiniń qataryna kirdi. Bul jóninde Dúnıejúzilik saýda uıymynyń (DSU) jyl saıynǵy World Trade Report esebinde málim etildi.
2012 jyldyń qorytyndysy boıynsha, Qazaqstan álemniń jetekshi eksporttaýshylary tiziminde 30-orynǵa ıe boldy. Ótken jyly QR eksporty 92 mlrd. AQSh dollaryn quraǵan. Bul 2011 jylǵy jaǵdaımen salystyrǵanda 5 paıyzǵa joǵary, dep habarlandy DSU esebinde.
Jalpy Qazaqstannyń álemdik eksporttaǵy úlesi 0,6 paıyzdy quraıdy. Dúnıejúzi boıynsha eń iri eksporterlerdiń úshtiginde ózgeris bolǵan joq. Birinshi orynda, ádettegideı, Eýroodaq ($2,1666 trln.) alýda. Ekinshi orynda - Qytaı ($2,049 trln.), úshinshi - AQSh ($1,547 trln.) tur. Úzdik ondyqqa Japonııa ($799 mlrd.), Ońtústik Koreıa ($548 mlrd.), Reseı ($529 mlrd.), Gonkong ($493 mlrd.), Kanada ($455 mlrd.), Sıngapýr ($408 mlrd.), Saýd Arabııasy ($386 mlrd.) enip otyr.
