Qazaqstan álemniń 105 eline óz ónimderin eksporttady

NUR-SULTAN. QazAqparat – Qazaqstan daıyn ónimder eksportyn ulǵaıtyp keledi. Bul týraly QR Ulttyq ekonomıka mınıstri Rýslan Dálenov aıtyp berdi, dep habarlaıdy QazAqparat.

Naqty sektor básekege qabilettiliktiń jaqsy nátıjelerin kórsetýde. Máselen, jyl basynan beri avtomobıl jasaý 51,8%, farmatsevtıka 34,1, daıyn metall buıymdary 18,8%, qaǵaz ónimderi 15,3% jáne jeńil ónerkásip 11% ósti. Daıyn ónimderdiń eksporty ulǵaıýda. Jeti aıda avtomobılder eksporty 7 esege, ferrosılıtsıı 6 esege, kúnbaǵys maıy 1,7 esege, tıtan quımalarynyń eksporty 20,5%-ke ósti. Esepti kezeńde álemniń 105 eline eksport jasaldy», - dep atap ótti mınıstr Úkimet otyrysynda.

Jeti aıda syrtqy saýda aınalymy 48,7 mlrd dollardy qurady.

«Eksport 28,6 mlrd dollar, ımport – 20,1 mlrd dollar bolǵan. Saýda balansynyń oń saldosy 8,5 mlrd dollar deńgeıinde saqtalýda», - dedi R. Dálenov.