Qazaqstan álemdik JІÓ ósimine úles qosatyn TOP-25 eldiń qataryna endi

ASTANA. KAZINFORM — Halyqaralyq valıýta qorynyń (HVQ) derekterine sáıkes, álemdik ekonomıkanyń negizgi qozǵaýshy kúshteri — Qytaı men Úndistan, dep habarlaıdy Kazinform agenttigi Visual Capitalist-ke silteme jasap.

2026 jyly álemdik ekonomıkanyń ósimi 3,1% deńgeıinde bolady dep boljanyp otyr. Al bul ósimge negizgi úlesti kimder qosady? Halyqaralyq valıýta qorynyń boljamyna sáıkes, basty draıverler — Qytaı men Úndistan kórinedi.

Qytaı – birinshi, Úndistan – ekinshi orynda

2026 jyly álemdik naqty jalpy ishki ónimniń (JІÓ) 26,6%-y Qytaıdyń úlesine tıesili bolady. El ekonomıkasy 4,2%-ǵa ósedi dep kútiledi. Ósý qarqyny aldyńǵy jyldarmen salystyrǵanda baıaýlaǵanymen, Qytaı ekonomıkasynyń aýqymy onyń jahandyq ósimdegi basym rólin saqtap otyr.

Úndistan 6,2% ósim qarqynymen ekinshi orynda tur. Onyń álemdik ekonomıkalyq ósimge qosatyn úlesi — 17%. Osylaısha, Qytaı men Úndistan birigip, 2026 jyly jahandyq ekonomıkalyq ósimniń 43%-dan astamyn qamtamasyz etedi. Bul álemdik ekonomıkalyq ortalyqtyń Azııaǵa qaraı yǵysqanyn kórsetedi.

AQSh pen Eýropa: ósim bar, biraq baıaý

Damyǵan elder arasynda eń úlken úles AQSh-qa tıesili. 2026 jyly amerıkalyq ekonomıka 2,1%-ǵa ósip, álemdik ósimniń 9,9%-yn qamtamasyz etedi.

Eýropanyń jıyntyq úlesi shamamen 9,5%-dy quraıdy. Germanııa, Frantsııa, Italııa jáne Ispanııa sekildi elder úles qosqanymen, halyqtyń qartaıýy jáne qatań qarjylyq jaǵdaılar óńirdegi ekonomıkalyq belsendilikti tejep otyr.

Damýshy naryqtar kúsheıip keledi

Alǵashqy ondyqqa Indonezııa, Túrkııa, Saýd Arabııasy, Mysyr, Vetnam, Brazılııa jáne Nıgerııa engen. Bul elderde ósim qarqyny 3,7%-dan 5,6%-ǵa deıin bolady dep kútilip otyr. Bul damýshy ekonomıkalardyń jahandyq ósimdegi róli artyp kele jatqanyn bildiredi.

Qazaqstannyń orny qandaı?

2026 jyly Qazaqstan ekonomıkasy 4,8%-ǵa ósedi dep boljanǵan. Eldiń álemdik ekonomıkalyq ósimdegi úlesi — 0,7%. Bul kórsetkish iri ekonomıkalarmen salystyrǵanda shaǵyn bolǵanymen, óńirlik deńgeıde mańyzdy dınamıka sanalady.

2026 jyly álemdik naqty JІÓ ósimine úles qosatyn TOP-30 el (reıtıng):

1. Qytaı — 26,6%
2. Úndistan — 17,0%
3. AQSh — 9,9%
4. Indonezııa — 3,8%
5. Túrkııa — 2,2%
6. Saýd Arabııasy — 1,7%
7. Mysyr — 1,7%
8. Vetnam — 1,6%
9. Brazılııa — 1,5%
10. Nıgerııa — 1,5%
11. Bangladesh — 1,3%
12. Fılıppıny — 1,3%
13. Reseı — 1,1%
14. Polsha — 1,0%
15. Germanııa — 0,9%
16. Ulybrıtanııa — 0,9%
17. Pákistan — 0,9%
18. Malaızııa — 0,9%
19. Argentına — 0,9%
20. Ispanııa — 0,9%
21. Ońtústik Koreıa — 0,9%
22. Meksıka — 0,8%
23. Qazaqstan — 0,7%
24. BAÁ — 0,7%
25. Japonııa — 0,6%
26. Frantsııa — 0,6%
27. Kanada — 0,6%
28. Taıvan — 0,6%
29. Aýstralııa — 0,6%
30. Italııa — 0,5%

Budan buryn habarlanǵandaı, Ulttyq statıstıka bıýrosynyń aldyn ala derekterine sáıkes, 2025 jyldyń qańtar-jeltoqsan aılarynyń qorytyndysy boıynsha Qazaqstannyń jalpy ishki ónimi ótken jyldyń osy kezeńimen salystyrǵanda 6,5%-ǵa ósti.