Qazaqstan álemdik medıtsınanyń jańa tartylys ortalyǵyna aınalyp keledi

ASTANA. KAZINFORM — QR Densaýlyq saqtaý mınıstrliginiń qoldaýymen 13–14 qazan kúnderi «Qazaqstannyń densaýlyq saqtaý salasy: dári-dármek jáne ınnovatsııalyq tehnologııalar. Tájirıbe jáne bolashaǵy» atty ǵylymı-praktıkalyq konferentsııa ótedi.

Bul ár elden sarapshylardy jáne medıtsınanyń negizgi baǵyttaryn biriktiretin aýqymdy shara.

Sizdi ne kútedi?

• Medıtsınalyq týrızm boıynsha alǵashqy halyqaralyq konferentsııa;
• «Qazaqstannyń salaýatty qalalary» respýblıkalyq forýmy;
• Klınıkalyq praktıka men dárilik saıasattaǵy ınnovatsııalardy talqylaý.

500-den astam maman — 30 eldiń elshileri, QR Densaýlyq saqtaý mınıstrliginiń ókilderi, halyqaralyq uıymdar, farmatsevtıka jáne medıtsınalyq tehnıka salasynyń ókilderi, medıtsınalyq agentter men baıerler jınalyp, shekaraaralyq medıtsınalyq kómek, tsıfrlandyrý jáne telemedıtsına, medıtsınalyq týrızm jáne sapa standarttary, dári-dármek pen jabdyqtarǵa qoljetimdilik taqyryptaryn talqylaıdy.

Konferentsııa aıasynda medıtsına, farmatsevtıka jáne týrızm salasyndaǵy jetistikter kórmesi, sondaı-aq B2B jáne B2G kezdesýler ótedi.

Buǵan deıin mamandar dárigerge sırek qaralatyn adamdardyń medıtsınalyq tarıfi 20 paıyz qysqaratynyn eskertti.